Haey
Qaflah dasht-e-bala say jo soo-e-shaam chala
lash-e-ABBAS-E-ALAMDAR(a.s.) peh ZAINAB(a.s.) nay kaha
ABBAS(a.s.) ABBAS(a.s.) ABBAS(a.s.)
chhin gai sar say rida
koi baqi na raha
ABBAS(a.s.) teray jaanay kay ba'ad
ABBAS(a.s.) teray jaanay kay ba'ad
ta'anay deta hai mujhay dekh kay yoo'n shimr-e-laeen(l.a.)
teri aawaz peh ABBAS(a.s.) tera aata nahi'n
ban gai farsh-e-aza'a teray liyay ab yeh zamee'n
sham jana hi parha
yeh sitam mujh peh hua
ABBAS(a.s.) teray jaanay kay ba'ad
ABBAS(a.s.) teray jaanay kay ba'ad
ro kay KULSOOM(s.a.) teri yaad mein karti hai buka
teri haibat say kabhi soey nahin aihl-e-jafa(l.a.)
kaisi badli yeh teray ba'ad zamanay ki hawa
khush huway aihl-e-sitam(l.a.)
so nahin paaey jo HUM(a.s.)
ABBAS(a.s.) teray jaanay kay ba'ad
ABBAS(a.s.) teray jaanay kay ba'ad
raah mein AAL(a.s.)-E-PAYAMBAR(s.a.w.w.) ka dilasah MAIN(s.a.) bani
sham kay log tamashaai tamashah MAIN(s.a.) bani
zakhm SAADAAT(a.s.) nay paaey to maseeha MAIN(s.a.) bani
MAIN(s.a.) hi saalaar bani
MAIN(s.a.) alamdaar bani
ABBAS(a.s.) teray jaanay kay ba'ad
ABBAS(a.s.) teray jaanay kay ba'ad
haaey darbaar mein AULAD(a.s.)-E-NABI(s.a.w.w.) aa pohanchi
aur SAKINA(s.a.) ko kanizi mein bulata hai shaqi(l.a.)
kis say fariyaad karoo'n TU(a.s.) hi bata meray AKHEE(a.s.)
aur kia hoga sitam
kitnay laachaar hain HUM(a.s.)
ABBAS(a.s.) teray jaanay kay ba'ad
ABBAS(a.s.) teray jaanay kay ba'ad
naam lekar jo sitamgar(l.a.) nay bulaya MUJH(s.a.) ko
AMMA'N FIZZA(s.a.) nay pas-e-pusht chhupaaya MUJH(s.a.) ko
yoo'n bhi pardes mein a'ada(l.a.) nay sataaya MUJH(s.a.) ko
aisay aalam mein bhala
kis ko daiti MAIN(s.a.) sadaa
ABBAS(a.s.) teray jaanay kay ba'ad
ABBAS(a.s.) teray jaanay kay ba'ad
HIND Zindan mein aai to yeh kohraam utha
meri barbaadi ka jab HIND nay aehwaal suna
apna sar peet kay WOH Karnay lagi wawela
dekh kaisa hai sitam
qaid hain AIHL-E-HARAM(a.s.)
ABBAS(a.s.) teray jaanay kay ba'ad
ABBAS(a.s.) teray jaanay kay ba'ad
touq-o-zanjeer say SAJJAD(a.s.) jo aazaad huway
qabr peh BAALI SAKINA(s.a.) ki gaey rotay huway
rukh soo-e-karb-o-bala karkay yehi bain kiyay
seh nahi'n paai sitam
DUKHTAR(s.a.)-E-SHAH-E-UMAM(a.s.)
ABBAS(a.s.) teray jaanay kay ba'ad
ABBAS(a.s.) teray jaanay kay ba'ad
sham say mazhar-o-farhan rehaai jo mili
aaey maqtal mein salaami kay liyay sab QAIDI(a.s.)
ghutniyo'n chalti huwi BHAI(a.s.) kay marqad peh gai
thay yeh ZAINAB(s.a.) kay sukhan
mar gai kio'n na BAHAN(s.a.)
ABBAS(a.s.) teray jaanay kay ba'ad
ABBAS(a.s.) teray jaanay kay ba'ad