HAEY ZAINAB(s.a.) HAEY HAEY SHAAM
HAEY ZAINAB(s.a.) HAEY HAEY SHAAM
JOO'N JOO'N BAAZAAR QAREEB AAYAA
ZAINAB(s.a.) KO GHAZI(a.s.) YAAD AAYAA (x2)
==============
HAATHO'N SAY YA PHIR BAALO'N SAY CHEHRAY KO CHUPAALAY SHEHZADI(s.a.)
YEH SHAAM SHEHER KI GALIYA'N HAIN DIL THAAM LAY AEY AAQA ZAADI(s.a.)
FIZZA(s.a.) NAY JAB YEH BATLAAYAA ---
ZAINAB(s.a.) KO GHAZI(a.s.) YAAD AAYAA
==============
FIZZA(s.a.) KI SADA KO SUNTE HI SHABBIR(a.s.) KI KHUWAAHAR(s.a.) KAANP GAI
BAALO'N SAY CHHUPAAKAY CHERAY KO NAAQAY PEH JHUKI ZEHRA(s.a.) JAAI
BAAZAAR KAY NAAM NAY TARHPAAYAA ---
ZAINAB(s.a.) KO GHAZI(a.s.) YAAD AAYAA
==============
KARTI THI DUAA YEH RO RO KAR IS HAAL MEIN NA BHAI(a.s.) DAIKHAY
UTHI'N JO NIGAHEI'N ZAINAB(s.a.) KI KOTHO'N PEH TAMASHAAI DAIKHAY
KUCH SOCH KAY DIL YEH GHABRAAYAA ---
ZAINAB(s.a.) KO GHAZI(a.s.) YAAD AAYAA
==============
MAAHOL SHARABI JAB DAIKHA BABA(a.s.) KI WASI'AT YAAD AAI
KOI TO MUJHAY CHAADAR LAADAY HONTO'N PEH YEHI FARIYAAD AAI
JAB KOI NAHI'N CHADAR LAAYAA ---
ZAINAB(s.a.) KO GHAZI(a.s.) YAAD AAYAA
==============
PHIR SHAAM KAY LOGO'N NAY BADLA AJDAAD KA YOO'N ZAINAB(s.a.) SAY LIYA
CHADAR CHHEENI, PATHHAR MAARAY AUR GARM KABHI PAANI PHAINKA
DURRA JO SAKINA(s.a.) NAY KHAAYAA ---
ZAINAB(s.a.) KO GHAZI(a.s.) YAAD AAYAA
==============
ABBAS(a.s.) KAHA'N HAI AEY ZAINAB(s.a.) JAB SHIMR(L.a.) HIQARAT SAY BOLA
GHASH KHAANAY LAGAY SAB AIHL-E-HARAM(a.s.) KULSOOM(s.a.) PUKARI'N WAWELA
SAJJAD(a.s.) KO YASRAB YAAD AAYAA ---
ZAINAB(s.a.) KO GHAZI(a.s.) YAAD AAYAA
==============
KHAMOSH RAHI AULAD(a.s.)-E-NABI(s.a.w.w.) KARBAL SAY YAHA'N TAK ZULM SAHA
KHOOLI YEH MANADI KARNAY LAGA YEH KUNBA HAI EIK BAAGHI KA
MAZLOOM(a.s.) KO BAAGHI KEHLAAYAA ---
ZAINAB(s.a.) KO GHAZI YAAD AAYAA
==============
HAR GAAM NAYA EIK ZULM HUWA LAACHAAR MUSAAFIR ZAINAB(s.a.) PAR
ZAINAB(s.a.) KO RULAAYA ZAALIM NAY NAAQO'N KAY QAREE'N NAIZA LAAKAR
SHABBIR(a.s.) KA SAR JO DIKHLAAYA ---
ZAINAB(s.a.) KO GHAZI YAAD AAYAA
==============
"FARHAN" QAYAMAT KA GHAM HAI "MAZHAR" NAY LIKHA HAI YEH NOHA
SHABBIR(a.s.) BINA ABBAS(a.s.) BINA YEH PEHLA SAFAR THA ZAINAB(s.a.) KA
JOO'N JOO'N BAAZAAR QAREEB AAYA ---
ZAINAB(s.a.) KO GHAZI YAAD AAYAA
==============
.jpg)
