AAEY FARAS KI ZEEN SAY JAB KHAAK PAR HUSSAIN(a.s.)
MADAR(s.a.) KA CHEHRA DAIKH KAY KARNAY LAGAY YEH BAIN
AMMAA'N..
MAIN THAK GAYA HOO'N MAA'N (x3)
APNI AAGHOSH MEIN KUCH DAIR SULALO AMMAA'N
MAIN THAK GAYA HOO'N YEH LAASHAY UTHAKAY AEY AMMAA'N
KITNAY NAIZAY HAIN MOHAMMAD(s.a.w.w.) KAY NAWASAY(a.s.) KAY LIYAY
QATL SAY PEHLAY ZARA DAIR DILAASAY KAY LIYAY
APNAY MAZLOOM(a.s.) KO SEENAY SAY LAGALO AMMAA'N
MAIN THAK GAYA HOO'N YEH LAASHAY UTHAKAY AEY AMMAA'N
=======*=======
QATL ABBAS(a.s.) KA HOJANA QAZA THI MERI
BARCHHI AKBAR(a.s.) KO NAHIN NAHI'N MERAY KALEJAY MEIN LAGI
GHAM KI BARCHHI MERAY SEENAY SAY NIKALO AMMAA'N
MAIN THAK GAYA HOO'N YEH LAASHAY UTHAKAY AEY AMMAA'N
=======*=======
AB MERAY KHOON KA PIYAASA HAI YEH JANGLE SAARA
KOI IS DASHT MEIN NASIR BHI NAHI'N HAI MERA
HOSAKAY TO MERAY GHAZI(a.s.) KO BULALO AMMAA'N
MAIN THAK GAYA HOO'N YEH LAASHAY UTHAKAY AEY AMMAA'N
=======*=======
AB TO IS DASHT MEIN YA MAIN HOO'N YA MERA DIL HAI
YEH JO LASHKAR(L.a.) NAZAR AATA HAI MERA QAATIL HAI
MUJH KO QAATIL KI NIGAHO'N SAY CHUPALO AMMAA'N
MAIN THAK GAYA HOO'N YEH LAASHAY UTHAKAY AEY AMMAA'N
=======*=======
HALQ SOOKHA HAI KALEEJAY MEIN DUKHAN HOTI HAI
RAIT ZAKHMO'N MEIN JO JAATI HAI HAI CHUBHAN HOTI HAI
APNI CHAADAR KO MERAY ZAKHMO'N PEH DAALO AMMAA'N
MAIN THAK GAYA HOO'N YEH LAASHAY UTHAKAY AEY AMMAA'N
=======*=======
TUM TO MAA'N HO TUMHEIN MA'ALOOM HAI AULAAD KA GHAM
MAIN NAY AULAAD KAY LASHO'N PEH KIYA HAI MATAM
APNAY BAITAY KI SAF-E-GHAM TO BICHALO AMMAA'N
MAIN THAK GAYA HOO'N YEH LAASHAY UTHAKAY AEY AMMAA'N
=======*=======
DEKH KAY AUN(a.s.)-O-MOHAMMAD(s.a.w.w.) KO SAR-E-DASHT-E-BALA
DIL YOO'N TUKRHAY HUWA JIS TARHA BADAN QASIM(a.s.) KA
MERAY IS TOOTAY HUWAY DIL KO SANBHAALO AMMAA'N
MAIN THAK GAYA HOO'N YEH LAASHAY UTHAKAY AEY AMMAA'N
=======*=======
KOI SAR PAR NAHI'N GHAM KIS KO SUNAAEY MUZTAR
BA'AD MERAY MERI ZAINAB(s.a.) KI CHHINAY GI CHAADAR
MERI ZAINAB(s.a.) KO UJARHNAY SAY BACHAALO AMMAA'N
MAIN THAK GAYA HOO'N YEH LAASHAY UTHAKAY AEY AMMAA'N
=======*=======
YEH JO "FARHAN" KAY "MAZHAR" KAY LABO'N PAR HAI BUKA
KEH RAHAY THAY DAM-E-ZIBHA YEH SHAH-E-KARB-O-BALA(a.s.)
ZAIR-E-KHANJAR HOO'N NIGAAHO'N KO HATAALO AMMAA'N
MAIN THAK GAYA HOO'N YEH LAASHAY UTHAKAY AEY AMMAA'N
=======*=======